पीसीएम-पीसीबी विद्यार्थ्यांना मोठा दिलासा दुसऱ्या प्रयत्नासाठी नोंदणीसाठी २३ एप्रिलपर्यंत मुदतवाढ – उच्च व तंत्र शिक्षण मंत्री चंद्रकांत पाटील यांचे आवाहन
मुंबई : पीसीएम आणि पीसीबी गटातील विद्यार्थ्यांसाठी महत्त्वाचा दिलासादायक निर्णय घेत दुसऱ्या प्रयत्नासाठी (Second Attempt) नोंदणी करण्याची अंतिम मुदत २३ एप्रिल २०२६ पर्यंत वाढवण्यात आली आहे. विद्यार्थ्यांकडून सातत्याने येणाऱ्या विनंत्यांचा विचार करून हा निर्णय घेण्यात आला असल्याची माहिती उच्च व तंत्र शिक्षण मंत्री चंद्रकांत पाटील यांनी दिली.
या निर्णयानुसार, इच्छुक विद्यार्थ्यांना २३ एप्रिल २०२६ रोजी रात्री ११.५९ वाजेपर्यंत नोंदणी करता येणार आहे. यामुळे विविध कारणांमुळे पूर्वी नोंदणी न करू शकलेल्या विद्यार्थ्यांना मोठा दिलासा मिळाला असून, ही त्यांच्यासाठी सुवर्ण संधी ठरणार आहे.
विद्यार्थ्यांनी या मुदतवाढीचा लाभ घेण्यासाठी विलंब न करता तात्काळ नोंदणी प्रक्रिया पूर्ण करावी, असे आवाहन मंत्री चंद्रकांतदादा पाटील यांनी केले आहे.
नोंदणीसाठी अधिकृत संकेतस्थळ : https://cetcell.mahacet.org