लहु बालवडकर सोशल वेलफेअरच्या वतीने बालेवाडी, बाणेर, सुस व म्हाळुंगे येथील नागरिकांसाठी सांगितीक मेजवानी!

पुणे: दिवाळी निमित्त लहु बालवडकर सोशल वेलफेअर यांच्या वतीने शास्त्रीय, सुगम व भावगीतांची  सायंकालीन मैफल “सुर संध्या” या सांगितीक कार्यक्रमाचे आयोजन करण्यात आले आहे. या कार्यक्रमात शास्त्रीय गायक राहुल देशपांडे, सुप्रसिद्ध गायिका आर्या आंबेकर आणि निवेदक मृण्मयी देशपांडे यांच्या शास्त्रीय, सुगम व भावगितांची सायंकालिन मैफल रंगणार आहे.

सुर संध्या हा सांगितीक कार्यक्रम बुधवारी 3 नोव्हेंबर 2021 रोजी सायंकाळी 5.30 वाजता आयोजित करण्यात आला आहे. बाणेर येथील मुंबई-बेंगलोर हायवेवर असलेल्या मर्सिडीज शोरूम जवळील बंटारा भवन सभागृहात पार पडणार आहे. या कार्यक्रमाला पुणे शहराचे प्रथम नागरिक, महापौर मुरलीधर मोहोळ आणि रा. स. संघाचे कार्यवाह महेश करपे उपस्थित राहणार आहे.

मागील बऱ्याच काळात कोरोनामुळे आपल्याला आपले सण साजरे करता आले नाही. या वेळी कोरोना वर बऱ्याच अंशी नियंत्रण मिळविल्याने कार्यक्रम घेण्यास असलेले निर्बंध उठवण्यात आले आहे. म्हणुनच प्रभागातील नागरिकांची दिवाळी खास करण्यासाठी, संगीताची आवड असणाऱ्या नागरिकांसाठी दिवाळीचा निमित्त साधून शास्त्रीय, सुगम व भावगीतांची सायंकालीन मैफल “सुर संध्या” या सांगितीक कार्यक्रमाचे आयोजन करण्यात आले आहे. त्याचा सर्व नागरिकांनी लाभ घ्यावा अशी विनंती भाजपा युवा नेते लहू बालवडकर केली आहे.

Read Also :

• भाजपला मोठा झटका; दादरा नगर हवेली लोकसभा पोटनिवडणुकीत शिवसेनेचा ऐतिहासिक विजय

• माजी अष्टपैलू खेळाडू युवराज सिंग पुन्हा एकदा मैदानात उतरणार

• फटाके जरूर फोडा पण धूर काढू नका, मुख्यमंत्री उद्धव ठाकरे यांचा फडणवीसांना टोला

• सरकार आहे की नोटा छापण्याचा कारखाना? अनिल देशमुखांच्या अटकेनंतर राम कदमांचा…

• राष्ट्रवादीला अजून एक धक्का; अजित पवारांची 1000 कोटींची संपत्ती जप्त करण्याचे आयकर…