अमरावती मधील बोरगाव धर्माळे येथे पालकमंत्री चंद्रकांत पाटील यांच्या हस्ते विकसित भारत संकल्प यात्रेचा शुभारंभ संपन्न
![](https://firstmaharashtra.com/wp-content/uploads/2023/11/amravati-viksit-bharat-1-750x430.jpg)
अमरावती : केंद्र सरकारच्या विविध लोककल्याणकारी योजना सर्वांपर्यंत पोहोचवण्याच्या उद्देशाने विकसित भारत संकल्प यात्रा राबविण्यात येत आहे. याअंतर्गत शुक्रवारी अमरावती मधील बोरगाव धर्माळे येथे पालकमंत्री चंद्रकांत पाटील यांनी यात्रेचा शुभारंभ केला. देशाचे लोकप्रिय पंतप्रधान नरेंद्र मोदी यांचा गरीब आणि मध्यमवर्गीयांच्या विकासाला नेहमीच प्राधान्य असते. त्यासाठी राबविण्यात येत असलेल्या विविध लोकोपयोगी योजनांचा कोट्यवधी भारतीयांना लाभ होत आहे. त्यांचे अनुभव आणि मोदीजींचे काम सर्वसामान्यांपर्यंत पोहोचवणे हा या मागचा उद्देश आहे. त्यामुळे यामध्ये जनसहभाग वाढवावा, अशी अपेक्षा चंद्रकांत पाटील यांनी यावेळी व्यक्त केली.