सद्गुरु श्रीशंकर महाराजांच्या दर्शनाने नेहमीच एक वेगळी ऊर्जा लाभते – उच्च व तंत्र शिक्षण मंत्री चंद्रकांत पाटील
पुणे : पुण्यनगरीचे शक्तीपीठ, संतवर्य योगिराज, सद्गुरु श्रीशंकर महाराज यांचा 77 वा समाधी सोहळा बुधवारी संपन्न झाला. यावेळी उच्च व तंत्र शिक्षण मंत्री चंद्रकांत पाटील यांनी उपस्थित राहत महाराजांच्या चरणी लीन होऊन प्रसाद सेवा करण्याचे पुण्य मिळविले.
शंकर महाराज यांच्या समाधी सोहळ्यानिमित्त चंद्रकांत पाटील यांनी उपस्थित राहत कार्यक्रमाचा आनंद घेतला. यावेळी त्यांनी ढोल देखिल वाजविले. सर्व भक्तांसोबत प्रसादाचा आस्वाद घेताना मनाला विलक्षण आनंद लाभला असल्याचे मत पाटील यांनी व्यक्त केले. महाराजांच्या दर्शनाने नेहमीच एक वेगळी ऊर्जा लाभते, याचीच प्रचिती आजही आली असल्याचे त्यांनी म्हटले.
श्री शंकर महाराज योगीराज होते, याचा अनेकांनी अनेक प्रकारे प्रत्यय घेतला आहे. ते स्वत: मात्र नेहमी म्हणत, ‘सिद्धीच्या मागे लागू नका!’ पण त्यांनी आपले योगसामर्थ्य कळत-नकळत अनेकांच्या प्रत्ययाला आणून दिले.