उपमुख्यमंत्री एकनाथ शिंदे यांना सावंतवाडी येथील डिजिटल मिडिया संपादक पत्रकार संघटनेच्या महाअधिवेशनाचे निमंत्रण

मुंबई : डिजिटल मिडिया संपादक पत्रकार संघटना महाराष्ट्रच्या सिंधुदुर्ग जिल्ह्यातील सावंतवाडी येथील भोसले नॉलेज सिटी येथील नियोजित महाअधिवेशनाचे निमंत्रण उपमुख्यमंत्री एकनाथ शिंदे यांना काल रात्री निमंत्रण देण्यात आले.संस्थापक अध्यक्ष राजा माने यांच्या नेतृत्वाखाली ल संघटनेचे शिष्टमंडळ उपमुख्यमंत्री शिंदे यांना भेटले.शिष्टमंडळात राज्य उपाध्यक्ष सतीश सावंत, महेश चिवटे आदींचा समावेश होता.
शिष्टमंडळाने उपमुख्यमंत्री एकनाथ शिंदे यांना निमंत्रण पत्र दिले व संघटनेच्या वाटचालीची माहिती त्यांनां दिली.त्यांनी निमंत्रण स्वीकारले असून लवकरच तारीख निश्चित करण्याचा शब्द दिला.संघटनेच्यावतीने त्यांना श्रीविठ्ठल -रुक्मिणींची मूर्ती भेट देवून शुभेच्छा देण्यात आल्या.
पुस्तकांचे गाव” भिलार -महाबळेश्वर येथे पहिले ऐतिहासिक अधिवेशन झाले होते.त्या नंतर दुसरे अधिवेशन कोल्हापूर – कणेरी मठ येथे झाले होते.आता तिसरे महाअधिवेशन कोकणात होत आहे.या महा अधिवेशनासाठी मुख्यमंत्री देवेंद्र फडणवीस, उपमुख्यमंत्री एकनाथ शिंदे, उपमुख्यमंत्री अजित पवार,माजी मुख्यमंत्री खा.नारायण राणे, उच्च व तंत्रशिक्षण मंत्री चंद्रकांतदादा पाटील, सिंधुदुर्गचे पालकमंत्री नितेश राणे, माजी शिक्षणमंत्री दिपक केसरकर यांच्यासह राज्यातील विविध क्षेत्रातील मान्यवरांना निमंत्रित करण्यात येत आहे.