कुठल्याही परिस्थितीत शेतकऱ्यांना दिवसा वीज उपलब्ध करून द्या – छगन भुजबळ

अवकाळीसह अनेक संकटांनी शेतकरी अडचणीत आला आहे. यातून पुन्हा उभे राहण्यासाठी शेतकरी प्रयत्न करत असताना त्यांची वीज खंडित केली जाते. त्यामुळे शेतकरी जोपर्यंत अडचणीत आहे तोपर्यंत शेतकऱ्यांची वीज तोडली जाऊ नये. तसेच शेतकऱ्यांना कुठल्याही परिस्थितीत दिवसा ठरविक वेळेत वीज उपलब्ध करून देण्यात यावी, अशी मागणी माजी मंत्री आ. छगन भुजबळ यांनी आज तारांकित प्रश्नाद्वारे सभागृहात केली.

एकीकडे दुरुस्त झालेला ट्रान्सफॉर्मर लावला की तो दुसऱ्याच दिवसी नादुरुस्त होतो अशी सध्याची परिस्थिती आहे. तसेच महावितरण शेतकऱ्यांना आठ तास दिवसा आणि आठ तास रात्री वीज उपलब्ध करून देते असे सांगण्यात येत आहे. मात्र प्रत्यक्षात दिवसा वीज उपलब्ध करून दिली जात नाही, हे सत्य आहे, असे छगन भुजबळ म्हणाले.