हे सरकार शेतकऱ्यांचे , कष्टकऱ्यांचे, कामगाराचे नाहीय हे सरकार बिल्डर आणि कॉन्ट्रॅक्टरांचे आहे – जयंत पाटील
हे सरकार शेतकर्‍यांचं, कष्टकऱ्यांचं, कामगाराचं नाहीय हे सरकार बिल्डर आणि कॉन्ट्रॅक्टरांचे आहे अशी घणाघाती टीका माजी मंत्री जयंतराव पाटील यांनी आज अर्थसंकल्पावर बोलताना केली.या सरकारची जाहिरातच अशी आहे ‘निर्णय वेगवान महाराष्ट्र गतीमान’ परंतु गतिमान होण्याऐवजी महाराष्ट्र मागे रहायला लागला आहे. महाराष्ट्राची गती कमी व्हायला लागली आहेलआणि महाराष्ट्राची प्रगती खुंटू लागली आहे हे चित्र ८-९ महिन्यातील आहे. विकास वाढीचा दर बघितला ग्रोथ रेट आमचं सरकार असताना ९.१ टक्के होता तो यांचे सरकार आल्यावर ६.८ टक्के झाला आहे. मुख्यमंत्री नेहमी बोलतात तुम्ही काहीच केले नाही बोलतात अडीच वर्षे तर ते आमच्या सरकारमध्ये होते. सरकारमध्ये आमच्या शेजारी बसायचे आणि तेच बोलत आहेत आम्ही काही केले नाही. याचंही भान त्यांना राहिले नाही की त्या सरकारमध्ये होतो त्या सरकारने काहीच काम केले नाही. हे म्हणणे योग्य नाही असेही जयंत पाटील म्हणाले.
आर्थिक पाहणीमध्ये ‘निर्णय वेगवान सरकार गतीमान’ मागील वर्षात ४० टक्के डीपीडीचा खर्चच केला नाही. महाराष्ट्रात गुंतवणूक किती झाली २०२० मध्ये ४४ हजार २८८ कोटी २०२१ मध्ये २ लाख ७७ हजार कोटी रुपये झाली. २०२२ मध्ये ३५ हजार कोटी पर्यंत पोहचलो. गुंतवणूकीमध्ये गुजरात राज्य पहिल्या क्रमांकावर गेले. कर्नाटक दुसर्‍या क्रमांकावर आणि महाराष्ट्र तिसर्‍या क्रमांकावर आहे. तुम्ही सुरतेला गेला नसता तर गुजरात आणि कर्नाटकच्या पण पुढे राहिलो असतो. २१-२२ मध्ये आपण देशात अव्वल दर्जाचे होतो. मुंबईमध्ये नवीन सरकार आल्यावर मोठमोठे बॅनर सरकारने लावलेले आमचं सरकार आल्यावर विघ्न टळलं परंतु आकडे वेगळे सांगायला लागले आहे. तुमचं सरकार आले आणि महाराष्ट्रावर विघ्न आले अशी आकडेवारी दिसायला लागली आहे. उद्योग राज्यातून गेले हे जगजाहीर आहे. परंतु उद्योगमंत्र्यांनी श्वेतपत्रिका काढण्याचे जाहीर केले होते पहिल्यांदा पंधरा दिवसात नंतर बोलले ४० दिवसात आणतो आताच्या अधिवेशनात आणतो परंतु सहा महिन्यात यांना श्वेतपत्रिका काढता आली नाही कारण या श्वेतपत्रिकेमधून सर्वच पुढे येणार आहे म्हणून श्वेतपत्रिका काढायला हे सरकार टाळाटाळ करत आहे असा आरोपही जयंतराव पाटील यांनी केला.