स्व. गिरीशजी बापट यांनी दाखवलेली दिशा ही सदैव आम्हा सर्व कार्यकर्त्यांना प्रेरणादायी ठरणार आहे  – चंद्रकांत पाटील

पाटील पुढे म्हणाले कि, मी माझ्या गावी असताना मला एकदा पुणे पदवीधर निवडणुकीसाठी गिरीशजींनी बोलवून घेतलं. ते म्हणाले कि, आपल्या पक्षात पहिल्यांदा लढलो वगैरे असे काही नसते. आपण सगळेजण मिळून निवडणूक लढायची असते. त्यांनी मला आत्मविश्वास दाखवला. त्यांना मी म्हणालो कि तुम्ही सोबत असाल तरच मी निवडणूक लढायला तयार आहे. त्यावेळी निवडणुकीच्या तयारीसाठी मला असं सांगण्यात आलं कि आधी तुमचा लूक बदला . त्यावेळी मी चष्मा बदलावा म्हटलं. आणि डोळे तपासणीसाठी गेलो असता त्यावेळी ट्युमर निघाला. त्यावेळी गिरीशजी माझ्यासोबत होते त्यांनी माझी बँगलोरला जायची व्यवस्था केली. ऑपरेशन करण्यात आले. त्यावेळी डॉक्टरांनी मला खूपच काळजी घ्यायला सांगितली. त्यावेळी गिरीशजींनी खूप सपोर्ट केला.

गिरीशजींना स्वर्गीय असं म्हणणं खूपच अवघड जात आहे. त्यावेळी त्यांची साथ मिळाली म्हणून मी निवडणूक जिंकलो. त्यानंतर २०१४ सालची निवडणूक मला लढायला लावली. सगळया वेळेला आपल्या सगळ्या अडचणींमध्ये बूस्ट करायचं काम गिरीशजींनी केले. एकमेकांचा आदर केला पाहिजे, एकमेकांना मोठं करण्यात आनंद मानला पाहिजे, हे सगळं बापट साहेबांनी केले, असे पाटील म्हणाले.