हा अर्थसंकल्प सर्वसमावेशक असून सर्व समाजघटकांच्या विकासाला चालना देण्यासाठी भरीव आर्थिक तरतूद असलेला अर्थसंकल्प – उच्च व तंत्र शिक्षण मंत्री चंद्रकांत पाटील
मुंबई : राज्य विधिमंडळ पावसाळी अधिवेशन २०२४-२५चा अंतरिम अर्थसंकल्प शुक्रवारी विधानसभेत अर्थमंत्री तथा उपमुख्यमंत्री अजितदादा पवार यांनी सादर केला. हा अर्थसंकल्प सर्वसमावेशक असून सर्व समाजघटकांच्या विकासाला चालना देण्यासाठी भरीव आर्थिक तरतूद त्यात असल्याचे मत उच्च व तंत्र शिक्षण मंत्री चंद्रकांत पाटील यांनी व्यक्त केले. अर्थसंकल्पात राज्यातील उच्चशिक्षण घेणाऱ्या विद्यार्थींना मोफत शिक्षणाचे द्वार उघडे करून महायुती सरकारने त्यांच्या पंखांना स्वप्नपूर्तीचे बळ दिले असल्याचेही पाटील याची म्हटले.
अजित पवार यांनी मांडलेल्या अर्थसंकल्पबाबत मत व्यक्त करताना चंद्रकांत पाटील म्हणाले , शेतकरी, आदिवासी, महिला, इतर मागास वर्गाला या अर्थसंकल्पातून न्याय देण्याचा करण्यात आलेला प्रयत्न विशेष उल्लेखनीय आहे. अर्थमंत्र्यांकडून सादर झालेल्या अर्थसंकल्पाबद्दल, हा राज्याला विकासाकडे, प्रगतीकडे नेणारा अर्थसंकल्प आहे असे निश्चितच म्हणता येईल. यात शेतकरी, महिला, कष्टकरी, युवक, विद्यार्थिनी अशा सर्वच घटकांना न्याय देण्यात आला आहे. हा अर्थसंकल्प महाराष्ट्राला सर्व क्षेत्रात अग्रेसर ठेवेल असा विश्वास वाटतो.
राज्य विधिमंडळ पावसाळी अधिवेशन – २०२४-२५ च्या अंतरिम अर्थसंकल्पात वारकरी संप्रदाय यांच्या हिताला अग्रस्थानी ठेवून विविध घोषणा करण्यात आल्या आहेत. महिलांच्या सक्षमीकरणासाठी महायुती सरकारकडून विविध घोषणा करण्यात आल्या आहेत.शेतकऱ्यांच्या हितासाठी विविध घोषणा करण्यात आल्या आहेत. यासाठी राज्याचे मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार यांचे चंद्रकांत पाटील यांनी त्यांचा सहकारी म्हणून आणि एक नागरिक म्हणून अभिनंदन केले.