तासगाव तालुक्यात उभारण्यात आलेल्या भारतीय जनता पक्षाच्या नूतन कार्यालयाचे उद्घाटन पालकमंत्री चंद्रकांत पाटील यांच्या हस्ते संपन्न
सांगली : सांगली जिल्ह्यातील तासगाव तालुक्यात उभारण्यात आलेल्या भारतीय जनता पक्षाच्या नूतन कार्यालयाचे उद्घाटन शुक्रवारी पालकमंत्री चंद्रकांत पाटील यांच्या हस्ते करण्यात आले. यावेळी पाटील यांनी नवनियुक्त पदाधिकाऱ्यांना नियुक्तीपत्र प्रदान करून शुभेच्छा दिल्या.
या प्रसंगी बोलताना चंद्रकांत पाटील यांनी आगामी स्थानिक स्वराज्य संस्था निवडणुकांच्या पार्श्वभूमीवर सर्व कार्यकर्त्यांनी संघटनात्मक बांधणी मजबूत करण्याबरोबरच, भारतीय जनता पक्षाचा विचार सर्वसामान्य नागरिकांपर्यंत पोहोचविण्याचे आवाहन केले.
या कार्यक्रमास पश्चिम महाराष्ट्र संघटन मंत्री मंकरदंभाऊ देशपांडे, माजी आमदार पृथ्वीराज (बाबा) देशमुख, भाजपा जिल्हाध्यक्ष सम्राट महाडीक, माजी जि.प. अध्यक्ष संग्रामभाऊ देशमुख, माजी जिल्हाध्यक्ष दिपकबाबा शिंदे, विट्याचे माजी नगराध्यक्ष वैभवदादा पाटील यांच्यासह निमंत्रक व तासगाव ग्रामीण मंडळ अध्यक्ष स्वप्निल पाटील, कवठेमहांकाळ मंडळ अध्यक्ष उदयसिंह भोसले, विसापूर सर्कल मंडळ अध्यक्ष उदय राज्योपाध्यय तसेच भाजपाचे पदाधिकारी आणि कार्यकर्ते मोठ्या संख्येने उपस्थित होते.