चिंचवड पोटनिवडणुकीसाठीचे महविकास आघाडीचे अधिकृत उमेदवार नाना काटे यांच्या प्रचार्थ राष्ट्रवादीचे प्रदेशाध्यक्ष जयंत पाटील यांनी उपस्थितांना संबोधित केले. वातावरण अतिशय उत्तम आहे, नाना काटे यांचा विजय काळ्या दगडावरची रेष आहे. रस्त्यावरचा प्रचार आपण घराघरात पोहोचवावा, जोपर्यंत मतदान पूर्ण होत नाही तोपर्यंत लोकांच्या संपर्कात रहा. आपला विजय हा निश्चित आहे, असे जयंत पाटील यांनी म्हटले.
आज देशात अराजकता माजली आहे. खरी बातमी दाखवणाऱ्या बीबीसी या वृत्त संस्थेवर धाड टाकली गेली. महागाई, आर्थिक डबघई, गरीबी या गोष्टी माहितीच पडायला नको ही व्यवस्था केली जात आहे. विविध वाहिन्या, पेपर या सर्वांवर दबावतंत्र वापरले जात आहे. ही परिस्थिती आपल्याला बदलायची आहे. त्यासाठी ही निवडणूक महत्त्वाची आहे. या मतदारसंघात भाजपने स्वतःचा तर उमेदवार दिलाच आहे मात्र नाना काटे यांची मते खाण्यासाठी अजून एक उमेदवार दिला आहे. आपण यात विचलित न होता योग्य निवड करावी.