राहुल गांधी यांना मोदी आडनावावरून केलेले वक्तव्य महागात पडले आहे. गेल्या लोकसभा निवडणुकीदरम्यान सर्व चोरांचे आडनाव मोदी कसे ? असा प्रश्न विचारात राहुल गांधी यांच्या विरोधात भाजपने सुरत न्यायालयात मानहानीचा खटला दाखल केला होता. या प्रकरणी न्यायालयाने राहुल गांधीना दोषी ठरवले आहे. त्यासाठी त्यांना दोन वर्षांची शिक्षा देखील सुनावण्यात आली आहे. तसेच त्यांचा जमीन देखील मंजूर करण्यात आला आहे.
राहुल गांधी यांनी २०१९ मध्ये कर्नाटकच्या कोलार येथे आयोजित सभेत पंतप्रधान नरेंद्र मोदी यांच्या आडनावावरून टीका केली होती. ते म्हणाले होते कि, सर्व चोरांचे आडनाव मोदी कसे ? असा सवाल त्यांनी उपस्थित केला. या विरोधात गुजरातमधील भाजपचे माही आमदार पुरनेश मोदी यांनी राहुल गांधींविरोधात मानहानीचा खटला दाखल केला. आज या प्रकरणी न्यायालयाने शिक्षा सुनावली आहे. आज ते सुरत न्यायालयात हजर होते.
राहुल गांधी यावेळी म्हणाले कि, मी नेहमी भ्रष्टाचाराविरोधात बोलतो. मी कोणाच्या विरोधात मुद्दामहून बोललो नाही. यामुळे कोणाला नुकसान झालेले नाही, असे स्पष्टीकरन राहुल गांधी यांनी दिले. परंन्तु न्यायालयाने कलम ५०४ अन्वये त्यांना दोषी ठरवत दोन वर्षांची शिक्षा सुनावली आहे. त्यांना जामीनही मंजूर करण्यात आला आहे.
या प्रकरणी काँग्रेस नेत्यांची थोड्याच वेळात बैठक होणार आहे. मुंबई काँग्रेस कार्यलयात बैठक होणार आहे. काँग्रेसचे नेते विधान भवनातून बैठकीसाठी रवाना झाले आहेत.