भाजप महिला मोर्चाच्या प्रदेश उपाध्यक्षा रश्मीताई बागल आणि आमदार संजयमामा शिंदे यांच्या निवासस्थानी चंद्रकांत पाटील यांची सदिच्छा भेट
सोलापूर : आगामी लोकसभा निवडणुकीची जोरदार तयारी सुरु झाली आहे. उच्च व तंत्र शिक्षण मंत्री चंद्रकांत पाटील सध्या विविध जिल्ह्यांचा आढावा घेत आहेत. आज पाटील सोलापूर दौऱ्यावर आहेत . दरम्यान करमाळ्याचे लोकनेते दिगंबर बागल यांच्या कन्या तथा भारतीय जनता पक्ष महिला मोर्चाच्या प्रदेश उपाध्यक्षा रश्मीताई बागल यांची आज त्यांच्या निवासस्थानी पाटील यांनी सदिच्छा भेट दिली. यासोबतच विधानसभेच्या करमाळा-माढा मतदारसंघाचे आमदार संजयमामा शिंदे यांच्या निवासस्थानी देखील सदिच्छा भेट दिली.
सोलापूर दौऱ्यादरम्यान चंद्रकांत पाटील यांनी आज लोकनेते दिगंबरजी बागल यांना अभिवादन केले. यावेळी माढा लोकसभा मतदारसंघातील महायुतीचे उमेदवार रणजीत सिंह नाईक निंबाळकर यांच्या सह भाजपचे सर्व पदाधिकारी उपस्थित होते.