‘निसर्ग छाया’ विरंगुळा केंद्रात लवकरच सुरू होणार आधुनिक ‘वेलनेस सेंटर’; मंत्री चंद्रकांत पाटील यांनी शेअर केला टीझर

पुणे : कोथरुडमधील ज्येष्ठ नागरिकांच्या हक्काचे आणि जिव्हाळ्याचे ठिकाण असलेल्या ‘निसर्ग छाया’ विरंगुळा केंद्र उपक्रमात आता एक नवीन आणि अत्यंत महत्त्वाचा विस्तार होणार आहे. ज्येष्ठांसह संपूर्ण कोथरुडकरांच्या उत्तम आरोग्यासाठी येथे लवकरच एका अत्याधुनिक ‘वेलनेस सेंटर’ची सुरुवात करण्यात येत आहे. या केंद्रात तज्ज्ञांच्या थेट मार्गदर्शनाखाली निसर्गोपचार आणि योग साधना यांसारख्या अत्यंत उपयुक्त सुविधा नागरिकांना उपलब्ध करून दिल्या जातील.

कोथरुडकरांचे आरोग्य अधिक सुदृढ आणि निरोगी करणाऱ्या या विशेष उपक्रमाची एक छोटीशी झलक (टीझर व्हिडिओ) सोशल मीडियाच्या माध्यमातून जनतेसमोर सादर करताना महाराष्ट्राचे उच्च व तंत्र शिक्षण मंत्री तथा कोथरूडचे आमदार चंद्रकांत पाटील यांनी आपला आनंद व्यक्त केला. बदलत्या जीवनशैलीत कोथरुडमधील नागरिकांना आरोग्याची उत्तम सुविधा आपल्या हक्काच्या परिसरात मिळावी, हा यामागचा मुख्य उद्देश आहे.

काय असतील या ‘वेलनेस सेंटर’ची वैशिष्ट्ये : –

योग आणि निसर्गोपचार क्षेत्रातील तज्ज्ञ मार्गदर्शक नागरिकांना आरोग्याविषयी सखोल मार्गदर्शन करतील.

नैसर्गिक पद्धतीने आजार बरे करणे आणि शरीर निरोगी ठेवण्यावर भर दिला जाईल.

मानसिक शांतता आणि शारीरिक सुदृढतेसाठी नियमित योगासनांचे सत्र आयोजित केले जातील.

ज्येष्ठ नागरिकांमध्ये अतिशय उत्साहाचे आणि आनंदाचे वातावरण आहे. हा उपक्रम आगामी काळात कोथरुडच्या वैभवात आणि नागरिकांच्या आरोग्यात मोलाची भर घालणारा ठरेल, असा विश्वास व्यक्त होत आहे.

https://www.facebook.com/reel/1607273504738341