विद्यापीठ अनुदान आयोगाचे अध्यक्ष जगदीश कुमार यांच्यासमवेत उच्च व तंत्र शिक्षणातील शैक्षणिक सुविधा आणि नवीन धोरण अंमलबजावणीबाबत मंत्री चंद्रकांत पाटील यांच्या उपस्थितीत  चर्चा

3

मुंबई : हॉटेल ट्रायडंट येथे विद्यापीठ अनुदान आयोगाचे अध्यक्ष जगदीश कुमार यांच्या समवेत महाराष्ट्रातील उच्च व तंत्र शिक्षणातील शैक्षणिक सुविधा आणि नवीन शैक्षणिक धोरण अंमलबजावणी बाबत उच्च व तंत्र शिक्षण मंत्री चंद्रकांत पाटील यांच्या प्रमुख उपस्थितीत सविस्तर चर्चा करण्यात आली. दरम्यान, नवीन राष्ट्रीय शैक्षणिक धोरण २०२० ची प्रभावी अंमलबजावणी करण्यासाठी स्वयंमच्या धर्तीवर राज्यामध्ये महास्वयंम प्लॅटफॉर्म विकसित करण्याचा प्रस्ताव शासनाच्या विचाराधीन आहे असे पाटील यांनी नमूद केले.

याप्रसंगी महास्वयंम प्रकल्प आणि संशोधन प्रकल्पास केंद्राकडून निधी प्राप्त करून देण्यास विद्यापीठ अनुदान आयोग महाराष्ट्र राज्यास सर्वोतोपरी सहकार्य करेल असे विद्यापीठ अनुदान आयोगाचे अध्यक्ष जगदीश कुमार यांनी स्पष्ट केले.
विद्यापीठ अनुदान आयोगाने विद्यापीठात अध्यापकाची नियुक्ती करतेवेळी दि.१ जुलै २०२१ पासून पीएच.डी पदवी अनिवार्य केली आहे व त्यास आयोगाच्या दि.१२ ऑक्टोबर २०२१ च्या पत्रान्वये दि.०१.जुलै २०२३ पर्यंत मुदतवाढ दिली होती.

विद्यापीठात नेमणूक करतेवेळी अध्यापकांना पदव्युत्तर पदवी आणि नेट/सेट अथवा पीएच.डी हीच शैक्षणिक अर्हता लागू राहील  याबाबत आयोगाकडून सकारात्मक निर्णय घेण्यात येईल.

Get real time updates directly on you device, subscribe now.