संजय राऊत शरद पवारांच्या भेटीला सिल्व्हर ओकवर; भेटीच नेमकं कारण काय?
मुंबई: शिवसेना नेते खासदार संजय राऊत राष्ट्रवादीचे अध्यक्ष शरद पवार यांच्या भेटीसाठी सिल्वर ओकवर दाखल झाले आहेत. संजय राऊत सपत्निक दिवाळीनिमित्त सदिच्छा भेट घेण्यासाठी जात असल्याची माहिती आहे. सकाळी 9 च्या दरम्यान संजय राऊत पवारांच्या सिल्वर ओकवर दाखल झाले आहेत.
शरद पवार आणि कुटुंबांना प्रत्यक्ष भेटून राऊत दीपावलीच्या शुभेच्छा देतील. दीपावलीच्या काळात शरद पवार आणि त्यांचं संपूर्ण कुटुंबीय बारामतीला होते. त्यामुळे दिवाळीच्या काळात राऊतांना प्रत्यक्ष भेटून शुभेच्छा देता आल्या नाहीत. पवार आता मुंबईत आलेले आहेत. आज अगदी सकाळी 9 च्या आसपास संजय राऊत सिल्वर ओकवर दाखल झाले.
या भेटीत इतरही राजकीय मुद्द्यांवर चर्चा होणार असल्याची माहिती आहे. कारण आर्यन खान प्रकरणावरती नबाव मलिक यांनी ट्रेलर दाखवला. आता त्याची पुढची पटकथा मी सांगणार, असं संजय राऊत म्हणाले होते. आता राऊत आज पवारांची भेट घेत आहेत. या भेटीत आर्यन खान प्रकरणावरतीही चर्चा होऊ शकते, अशी माहिती कळतीय.
कॉर्डिलिया क्रुझवरील ड्रग्ज पार्टीच्या मुद्द्यावरुन महाविकासआघाडी आणि भाजप नेत्यांमध्ये आरोप-प्रत्यारोपांचे सत्र सुरु असतानाच आता शिवसेना नेते संजय राऊत यांनी सूचक ट्विट केले आहे. उस जगह हमेशा, खामोश रहा करो जहाँ, दो कौडी के लोग, अपना गुण गाते होते हो, असे या ट्विटमध्ये म्हटले आहे. त्यामुळे संजय राऊत यांनी ‘दो कौडी के लोग’, असा टोला नेमका कोणाला हाणला आहे, याची चर्चा राजकीय वर्तुळात रंगली आहे.
Read Also :
-
कमला नेहरू हॉस्पिटलच्या चिल्ड्रेन वार्डमध्ये भीषण आग, चार मुलांचा मृत्यू
-
मोठी बातमी: शिवसेना नेत्याच्या घरी सेक्स रॅकेटचा पर्दाफाश, महिला नेत्यासह 10 जण…
-
पंढरीच्या दिशेने जाणारे रस्ते भागवत धर्माची पताका उंचावणारे – पंतप्रधान नरेंद्र…
-
जगातील पहिला मराठी-हॉलिवूड चित्रपट, ‘मोगलमर्दिनी छत्रपती ताराराणी’…