बाणेरच्या म्हाळुंगे गावातील रस्ते, ड्रेनेज आणि पावसाळी पाण्याच्या लाईनसंदर्भात समस्या सोडवण्यासाठी ग्रामस्थांच्या शिष्टमंडळाने उच्च व तंत्र शिक्षण मंत्री चंद्रकांत पाटील यांची घेतली भेट
पुणे : बाणेरच्या म्हाळुंगे गावातील रस्ते, ड्रेनेज आणि पावसाळी पाण्याच्या लाईनसंदर्भात समस्या सोडवण्यासाठी ग्रामस्थांच्या शिष्टमंडळाने उच्च व तंत्र शिक्षण मंत्री चंद्रकांत पाटील यांची भेट घेतली. यावेळी ऑर्चिड हॉटेल ते व्ही.टी.पी. प्रोजेक्टपर्यंतच्या रस्त्याचे डांबरीकरण आणि ड्रेनेज-पावसाळी लाईन टाकण्याची मुख्य मागणी त्यांनी केली.
या समस्येबाबत तातडीने दखल घेत चंद्रकांत पाटील यांनी पुणे महानगरपालिकेच्या महापौर मंजुषाताई नागपुरे आणि स्थायी समिती अध्यक्ष श्रीनाथजी भिमाले यांच्याशी दूरध्वनीवरून चर्चा करून निधी उपलब्ध करण्याच्या व कामे तातडीने सुरू करण्याच्या सूचना दिल्या. म्हाळुंगे गावातील मूलभूत प्रश्न सोडवण्यासाठी पूर्ण कटिबद्ध असल्याचे यावेळी त्यांनी स्पष्ट केले.
या प्रसंगी भाजप नेते गणेश कळमकर, माजी सरपंच रेखाताई पाडळे, माजी सरपंच नामदेवराव गोलांडे, उद्योजक सोपानराव पाडळे, सुरेश पाडळे, सचिन पाडळे व ग्रामस्थ उपस्थित होते.