सांगली दौऱ्यात मंत्री चंद्रकांत पाटील यांच्याकडून कृष्णा नदीवरील पारंपरिक होड्यांच्या स्पर्धेचे उद्घाटन; दैनिक जनप्रवास व महापौरांच्या घरी घेतले बाप्पाचे दर्शन
सांगली : गणेशोत्सवाच्या मंगलमयी पर्वावर राज्याचे मंत्री चंद्रकांत पाटील सांगली दौऱ्यावर होते. या दौऱ्यात त्यांनी सांगलीची पारंपरिक ओळख असलेल्या होड्यांच्या शर्यतीचे उद्घाटन केले, तसेच प्रसारमाध्यम कार्यालय आणि लोकप्रतिनिधींच्या निवासस्थानी जाऊन श्री गणरायाचे अत्यंत भावपूर्ण दर्शन घेतले.
सांगलीमध्ये गणेशोत्सवानिमित्त ‘मदनभाऊ पाटील युवा मंच’च्या वतीने दरवर्षीप्रमाणे यंदाही पवित्र कृष्णा नदीच्या पात्रात पारंपरिक होड्यांच्या स्पर्धेचे भव्य आयोजन करण्यात आले होते. या चित्तथरारक स्पर्धेचे अधिकृत उद्घाटन पालकमंत्री चंद्रकांत पाटील यांच्या हस्ते करण्यात आले. नदीपात्रात रंगलेली ही शर्यत पाहण्यासाठी सांगलीकरांनी मोठी गर्दी केली होती. मंत्री महोदयांसह सर्व उपस्थितांनी या थरारक शर्यतीचा मनमुराद आनंद घेतला. याप्रसंगी भाजप नेत्या जयश्रीवहिनी पाटील, शेखर इनामदार, सांगली महापालिका स्थायी समितीचे सभापती अतुल माने यांच्यासह इतर मान्यवर आणि नागरिक मोठ्या संख्येने उपस्थित होते.
आपल्या दौऱ्यात पुढे त्यांनी ‘दैनिक जनप्रवास’च्या सांगली येथील मुख्य कार्यालयाला भेट दिली. कार्यालयात विराजमान झालेल्या श्रीगणेशाचे त्यांनी अत्यंत भक्तिमय वातावरणात दर्शन घेतले आणि तेथील पत्रकार व कर्मचाऱ्यांना गणेशोत्सवाच्या हार्दिक शुभेच्छा दिल्या. “श्री गणरायाच्या चैतन्यमयी आशीर्वादाने सर्वांच्या जीवनातील विघ्ने दूर होवोत; सर्वांना दीर्घायुष्य, सुख-शांती आणि यशाची समृद्धी लाभो,” अशी प्रार्थना त्यांनी गजाननाच्या चरणी केली.
यानंतर मंत्री चंद्रकांत पाटील यांनी सांगलीचे महापौर धीरज सूर्यवंशी यांच्या निवासस्थानी सदिच्छा भेट दिली. महापौर निवासस्थानी विराजमान झालेल्या लाडक्या श्रीगणेशाचे त्यांनी दर्शन घेऊन मनोभावे आरती केली. बाप्पाच्या चरणी लीन होऊन त्यांनी सर्वांच्या आयुष्यात सुख, समृद्धी, उत्तम आरोग्य आणि समाधान लाभो, तसेच श्री गणरायाची कृपादृष्टी आपल्या सर्वांवर सदैव अशीच राहो, अशी मनोभावे प्रार्थना केली.