‘शरद पवार यांचा तुमच्यावरच काय तर तुमच्या वरच्या नेत्यांवर देखील विश्वास नाही’, चंद्रकांत पाटील यांचा प्रशांत जगताप यांना टोला
पुणे : कसबा आणि चिंचवड निवडणुकीची भाजपकडून जोरदार तयारी सुरु आहे. भाजपने जोरदार मोर्चेबांधणी केली आहे. या निडणुकीबाबत पुण्याचे पालकमंत्री चंद्रकांत पाटील यांनी माध्यमांना प्रतिक्रिया दिली . यावेळी त्यांनी काँग्रेस आणि राष्ट्रवादीवर जोरदार टीकास्त्र सोडले आहे.
चंद्रकांत पाटील यांनी म्हटले कि, धंगेकर आणि रासने अशी हि निवडणूक नाही तर विधानसभेची निवडणूक आहे. त्या विधानसभेमध्ये राज्याचे कायदे तयार होतात. राज्याच्या पॉलिसी ठरतात, त्यामुळे हि निवडणूक भाजप विरुद्ध काँग्रेस अशी आहे. महाविकास आघाडीने काँगेसला वाऱ्यावर सोडलेले दिसत आहे. यापूर्वीही त्यांची सत्ता होती तेव्हाही काँग्रेसचा काही रोल नव्हता, बाकीचे दोन जणं सत्ता चालवायचे. त्यामुळे हि निवडणूक भाजप विरुद्ध काँग्रेस अशी आहे.
भाजप विरुद्ध काँग्रेस हि जर देशात नाही टिकली, राज्यात नाही टिकली तर गल्लीमध्ये कशी टिकायची. देशामध्ये त्यांना विरोधीपक्षनेता देखील लोकसभेमध्ये निवडणून आणता आला नाही. विधानसभा, राज्याच्या हिताचे कायदे , राज्याच्या हिताच्या पॉलिसी याकडे लक्ष देणे गरजेचे आहे. तुमच्या पक्षाने राज्याच्या हिताचे कुठले निर्णय घेतले?, देशाच्या हिताचे कुठले निर्णय घेतले? त्यामुळे हि निवडणूक या लेव्हलवर चालवूया असे पाटील यांनी म्हटले.
काल शहराचे अध्यक्ष प्रशांत जगताप यांनी एक हास्यास्पद विधान केले, याचा चंद्रकांत पाटील यांनी समाचार घेतला. त्यांनी म्हटले कि, २००६ पासून शरद पवार आजारी आहेत. आजारपण असूनही ते जिद्दीने फिरत आहेत. आता कसब्यातही येणार आहेत. मग त्यांना तुम्ही या स्थितीमध्ये फिरवता. मग ते अमानवीय नाहीय का?, उलट त्यांच्याबद्दल अभिमान मानला पाहिजे हि हा माणूस पक्षासाठी फिरत आहे. आम्हाला अभिमान आहे मुक्ता ताई , लक्ष्मण जगताप आणि बापट साहेबांचा. बापटसाहेब या स्थितीतसुद्धा ऑक्सिजन सिलेंडर घेऊन प्रचारासाठी आले. त्यामुळे प्रशांत जगताप तुम्ही पवार साहेबांना देखील सल्ला द्या कि तुम्ही किती परिश्रम घेत आहात. तुमच्यावर त्यांचा विश्वास नाहीय. तुमच्यावरच काय तर तुमच्या वरच्या नेत्यांवर देखील त्यांचा विश्वस नाही म्हणून ते स्वतः फिरतात, असा टोला चंद्रकांत पाटील यांनी लगावला.