चंद्रकांत पाटील यांच्या प्रमुख उपस्थितीत उद्या कोथरूड मतदारसंघात सांघिक किल्ले बनवा स्पर्धेच्या बक्षीस वितरण समारंभाचे आयोजन

8

पुणे : महाराष्ट्राचे आराध्य दैवत छत्रपती शिवाजी महाराजांच्या पदस्पर्शाने पावन झालेल्या या महाराष्ट्र भूमीला लाभलेला बहुमूल्य ठेवा म्हणजे आपले गड-किल्ले! या ऐतिहासिक वास्तूंबद्दल नवीन पिढीमध्ये जागरुकता आणि आस्था निर्माण व्हावी तसेच नवीन पिढीमध्ये सांघिक भावना रुजावी या उद्देशाने भारतीय जनता पार्टी, कोथरूड विधानसभा मतदार संघ यांच्या माध्यमातून उच्च व तंत्र शिक्षण मंत्री तथा कोथरूड मतदारसंघाचे आमदार चंद्रकांत पाटील यांनी सांघिक किल्ले बनवा स्पर्धा आयोजित करण्यात केली होती. या स्पर्धेचा बक्षीस वितरण समारंभ बुधवार दि. २७ डिसेंबर २०२३ रोजी सायं. ४.०० वा कोथरुडमधील यशवंतराव चव्हाण नाट्यगृह येथे आयोजित करण्यात आला आहे.

चंद्रकांत पाटील आपल्या मतदार संघात वेगवेगळे उपक्रम राबवित असतात. त्याचाच एक भाग म्हणून त्यांनी दिवाळीत किल्ले स्पर्धेचे आयोजन केले होते. या स्पर्धेचा बुधवारी बक्षीस समारंभ आयोजित करण्यात आला आहे. यावेळी चंद्रकांत पाटील यांची प्रमुख उपस्थिती असणार आहे. शाहीर हेमंत मावळे यांच्या दमदार आवाजात पोवाडा गायला जाणार आहे. भाजप प्रदेश सरचिटणीस मुरलीधर मोहोळ तसेच पुणे शहर अध्यक्ष धीरज घाटे यांच्या हस्ते बक्षीस वितरण करण्यात येणार आहे.
या स्पर्धेमध्ये अनेक बाळगोपाळांनी हिरीरीने सहभाग घेतला. ज्या उत्साहाने त्यांनी किल्ले बनवू सादर केले त्यासाठीच हा कौतुक सोहळा आयोजित करण्यात आला आहे. या बाळगोपाळांसह त्यांच्या मार्गदर्शकांची व पालकांची उपस्थिती स्वागतार्ह असल्याचे पाटील यांनी म्हटले आहे.

Get real time updates directly on you device, subscribe now.