पंतप्रधान नरेंद्र मोदींच्या मंत्रिमंडळाचे खातेवाटप जाहीर.. मुरलीधर मोहोळ यांना नागरी उड्डाण आणि सहकार राज्यमंत्री पदाची जबाबदारी मिळाल्याबद्दल चंद्रकांत पाटलांनी केले अभिनंदन

पुणे : पंतप्रधान नरेंद्र मोदी यांनी काल पदभार स्वीकारला आणि शेतकऱ्यांच्या बाबतीत महत्वपूर्ण निर्णय घेतला. यासोबतच सायंकाळी केंद्रीय मंत्रिमंडळाची महत्वाची बैठक पार पडली. या बैठकीत खातेवाटप करण्यात आले. नितीन गडकरी, अमित शाह, राजनाथ सिंह यांच्याकडे जुनी खाती कायम ठेवण्यात आली आहेत. पुण्याचे नवनिर्वाचित खासदार मुरलीधर मोहोळ यांना केंद्रीय मंत्रिमंडळात नागरी उड्डाण आणि सहकार राज्यमंत्री पदाची जबाबदारी सोपविण्यात आली आहे. या जबाबदारीबद्दल उच्च व तंत्र शिक्षण मंत्री चंद्रकांत पाटील यांनी मोहोळ यांचे मनःपूर्वक अभिनंदन केले.

चंद्रकांत पाटील यांनी म्हटले कि, देशातील जनतेची सेवा करण्याची संधी मोहोळ यांना मिळाली असून ही जबाबदारी आपण यशस्वीपणे पार पाडाल, जनतेचे प्रश्न मार्गी लावण्यात भरीव योगदान द्याल, असा ठाम विश्वास वाटतो. चंद्रकांत पाटील यांनी देदीप्यमान कारकिर्दीसाठी मोहोळ यांना मनःपूर्वक शुभेच्छा दिल्या.

मोदींच्या मंत्रिमंडळात पंतप्रधान नरेंद्र मोदी यांच्याकडे कार्मिक, सार्वजनिक तक्रार निवारण आणि निवृत्ती वेतन, अणुऊर्जा, अवकाश संशोधन, महत्त्वाचे धोरणात्मक मुद्दे आणि वाटप न झालेली इतर सर्व खाती आहेत.

कॅबिनेट मंत्री :-

राजनाथ सिंह – संरक्षण मंत्री

अमित शाह – गृहमंत्री; सहकार मंत्री

नितीन गडकरी – रस्ते वाहतूक आणि महामार्ग मंत्री

जगत प्रकाश नड्डा – आरोग्य आणि कुटुंब कल्याण मंत्री; रसायने आणि खते मंत्री

शिवराज सिंह चौहान – कृषी आणि शेतकरी कल्याण मंत्री आणि ग्रामविकास मंत्री

निर्मला सीतारामण – अर्थमंत्री आणि कॉर्पोरेट व्यवहार मंत्री

डॉ. सुब्रह्मण्यम जयशंकर – परराष्ट्र व्यवहार मंत्री

मनोहर लाल खट्टर – गृहनिर्माण आणि शहरी व्यवहार मंत्री आणि उर्जा मंत्री.

एच. डी. कुमारस्वामी – अवजड उद्योग मंत्री आणि पोलाद मंत्री

पीयूष गोयल – वाणिज्य आणि उद्योग मंत्री

धर्मेंद्र प्रधान – शिक्षण मंत्री

जीतन राम मांझी – सूक्ष्म, लघु आणि मध्यम उद्योग मंत्री

राजीव रंजन सिंह उर्फ ​​ललन सिंह – पंचायत राज मंत्री आणि मत्स्यव्यवसाय, पशुसंवर्धन आणि दुग्धव्यवसाय मंत्री

सर्वानंद सोनोवाल – बंदरे, जहाजबांधणी आणि जलमार्ग मंत्री

वीरेंद्र कुमार – सामाजिक न्याय मंत्री

के. आर. नायडू – नागरी विमान वाहतूक मंत्री

प्रल्हाद जोशी – ग्राहक व्यवहार, अन्न आणि सार्वजनिक वितरण मंत्री

जुआल ओरम – आदिवासी व्यवहार मंत्री

गिरीराज सिंह – वस्त्रोद्योग मंत्री

अश्विनी वैष्णव – रेल्वेमंत्री, माहिती आणि प्रसारण मंत्री, आणि इलेक्ट्रॉनिक्स तथा माहिती तंत्रज्ञान मंत्री

ज्योतिरादित्य सिंधिया – दळणवळण मंत्री, ईशान्य क्षेत्राचे विकास मंत्री

भूपेंद्र यादव – पर्यावरण, वन आणि हवामान बदल मंत्री

गजेंद्रसिंह शेखावत – सांस्कृतिक कार्य मंत्री आणि पर्यटन मंत्री

अन्नपूर्णा देवी – महिला आणि बाल विकास मंत्री

किरेन रिजिजू – संसदीय कामकाज मंत्री, अल्पसंख्याक व्यवहार मंत्री

हरदीप सिंग पुरी – पेट्रोलियम आणि नैसर्गिक वायू मंत्री

मनसुख मांडविय – कामगार आणि रोजगार मंत्री आणि युवा कार्य तथा क्रीडा मंत्री

जी. किशन रेड्डी – कोळसा मंत्री आणि खाण मंत्री

चिराग पासवान – अन्न प्रक्रिया उद्योग मंत्री

सी. आर. पाटील – जलशक्ती मंत्री

तंत्र कार्यभार राज्यमंत्री :- 

इंद्रजित सिंह – सांख्यिकी, कार्यक्रम अंमलबजावणी, नियोजन आणि सांस्कृतिक विभागाचे राज्यमंत्री.
डॉ. जितेंद्र सिंह – विज्ञान आणि तंत्रज्ञान, पंतप्रधान कार्यालय, कार्मिक, सार्वजनिक तक्रारी, निवृत्ती वेतन राज्यमंत्री, अणुऊर्जा आणि अंतराळ विभागातील राज्यमंत्री
अर्जुन राम मेघवाल – कायदा आणि न्याय मंत्रालयाचे राज्यमंत्री (स्वतंत्र प्रभार), संसदीय कामकाज राज्यमंत्री
प्रतापराव जाधव – आयुष राज्यमंत्री (स्वतंत्र प्रभार) आणि आरोग्य तसंच कुटुंब कल्याण राज्यमंत्री
जयंत चौधरी – कौशल्य विकास आणि उद्योजकता राज्यमंत्री (स्वतंत्र प्रभार) आणि शिक्षण राज्यमंत्री

जितिन प्रसाद – वाणिज्य आणि उद्योग मंत्रालयाचे राज्यमंत्री; इलेक्ट्रॉनिक्स आणि माहिती तंत्रज्ञान राज्यमंत्री
श्रीपाद नाईक – ऊर्जा राज्यमंत्री
पंकज चौधरी – अर्थ राज्यमंत्री.
कृष्ण पाल – सहकार राज्यमंत्री
रामदास आठवले – सामाजिक न्याय आणि सक्षमीकरण राज्यमंत्री.
राम नाथ ठाकूर – कृषी आणि शेतकरी कल्याण राज्यमंत्री.
नित्यानंद राय – गृहराज्यमंत्री.
अनुप्रिया पटेल – आरोग्य आणि कुटुंब कल्याण राज्यमंत्री, रसायने आणि खते राज्यमंत्री
व्ही. सोमन्ना – जलशक्ती आणि रेल्वे राज्यमंत्री
चंद्रशेखर पेम्मासानी – ग्रामीण विकास राज्यमंत्री आणि दळणवळण राज्यमंत्री.
एस. पी. सिंह बघेल – मत्स्यव्यवसाय, पशुसंवर्धन आणि दुग्धव्यवसाय राज्यमंत्री आणि पंचायती राज राज्यमंत्री
शोभा करंदलाजे – सूक्ष्म, लघू आणि मध्यम उद्योग, कामगार आणि रोजगार राज्यमंत्री
कीर्तिवर्धन सिंह – पर्यावरण, वन आणि हवामान बदल आणि परराष्ट्र राज्यमंत्री.
बी.एल. वर्मा – ग्राहक व्यवहार, अन्न आणि सार्वजनिक वितरण राज्यमंत्री आणि सामाजिक न्याय तथा सक्षमीकरण राज्यमंत्री
शंतनू ठाकूर – बंदरे, जहाजबांधणी आणि जलमार्ग राज्यमंत्री
सुरेश गोपी – पेट्रोलियम आणि नैसर्गिक वायू, पर्यटन राज्यमंत्री
डॉ. एल. मुरुगन – माहिती आणि प्रसारण, संसदीय कामकाज राज्यमंत्री
अजय टम्टा – रस्ते वाहतूक आणि महामार्ग राज्यमंत्री
बंदी संजय कुमार – गृह राज्यमंत्री
कमलेश पासवान – ग्रामीण विकास राज्यमंत्री
भगीरथ चौधरी – कृषी आणि शेतकरी कल्याण राज्यमंत्री
सतीशचंद्र दुबे – कोळसा आणि खणिकर्म राज्यमंत्री
संजय सेठ – संरक्षण राज्यमंत्री
रवनीत सिंह – अन्न प्रक्रिया उद्योग, रेल्वे राज्यमंत्री
दुर्गादास उईके – आदिवासी व्यवहार राज्यमंत्री
रक्षा खडसे – युवक कल्याण आणि क्रीडा राज्यमंत्री
सुकांता मजुमदार – शिक्षण, ईशान्य क्षेत्राच्या विकास विभागाचे राज्यमंत्री
सावित्री ठाकूर – महिला आणि बालविकास राज्यमंत्री
तोखन साहू – गृहनिर्माण आणि शहरी व्यवहार राज्यमंत्री
राजभूषण चौधरी – जलशक्ती राज्यमंत्री
भूपती राजू श्रीनिवास वर्मा – अवजड उद्योग राज्यमंत्री आणि पोलाद राज्यमंत्री
हर्ष मल्होत्रा ​​- कॉर्पोरेट व्यवहार, रस्ते वाहतूक, महामार्ग राज्यमंत्री
निमूबेन बांभनिया – ग्राहक व्यवहार, अन्न आणि सार्वजनिक वितरण राज्यमंत्री
मुरलीधर मोहोळ – सहकार आणि नागरी विमान वाहतूक राज्यमंत्री
जॉर्ज कुरियन – अल्पसंख्याक व्यवहार राज्यमंत्री आणि मत्स्यव्यवसाय, पशुसंवर्धन तथा दुग्धव्यवसाय राज्यमंत्री
पवित्रा मार्गारिटा – परराष्ट्र राज्यमंत्री आणि वस्त्रोद्योग राज्यमंत्री